|
قرر النسر عادل المزيعل الابتعاد عن الملاعب وبالطبع هذا قرار صعب ويعز علينا كجمهور ابتعاد هذا اللاعب المخلص والخلوق عن الملاعب وحرصنا نحن موقع الجمهور العرباوي على هذا اللقاء القصير مع النسر لمعرفة اسباب ابتعادة وكان ردة كالتالي :
المزيعل لــ ArabiClub.Net بالنسبه لقرار الابتعاد والاعتزال النهائي للعبه كره الطائره صراحه حبيت ابين امور يمكن تكون خافيه على حبايبي الجماهير انا قراري كان لظروف الله يعلم فيها لا اريد اتكلم فيها حاليا ظروف صعبه ومعوقات لا استطيع تحملها حاليا ويعلم الله انه هذي المعوقات ليس دخل فيها لا الاداره ولا الجمهور يعني بالتحديد امور شخصيه تخص عادل المزيعل والفريق حاليا فريق ممتاز ونجوم الكويت في النادي العربي والعربي لا يتوقف على لاعب واحد ..وهذي سنه الحياه لاعب يروح ولاعب ياتي يمكن الفريق يمر في مرحله هبوط بالمستوى انا من خبرتي بالملاعب اقول حق الجمهور هذا شي طبيعي وكل فريق يمر فيه بس تاكدو انه الفريق راح يرجع لمستواه المعهود في بطوله الدوري والكأس ..والبطوله الاسويه وبالنسبه لي انا خلاص انتهى شي اسمه كره طائره في عادل المزيعل كلاعب داخل الملعب ...وصدقوني اخواني اني حزييييييين جدا جدا وصعبه على الانسان انه يكون تعود على شي لمده 19 سنه ويتركه بس هذا هو الواقع اللي انا جدا حزين عليه .
واقول لكم شكرا شكرا شكرا وتقديري للجميع وهم ولله الحمد كثيرون الذين ساندوني بمواقفهم الطيبه والرجوله معي سواء عندما كنت لاعب ناشئ او في اوج الشباب او في ابتعادي للملاعب واقسم بالله العظيم سوف يبقى هذا الدعم من هاؤلاء دينا في عنقي ماحييت وان شاء الله اكون قدمت كل ماهو مطلوب في الملاعب لقد مرت 19 سنه في احضان النادي العربي وانا هنا لا اجامل ولكن هذي هي الحقيقه فقد مرت هذي السنين كلمح البصر بسبب الرعايه والوفاء الذي خصني فيه الجمهور العجييب والنادي بالاضافه لسهوله التعامل مع الكبير قبل الصغير وكم وددت لو طالت هذي السنين حتى ارد الدين لجمهوري العزيز على قلبي حيييييييييييييييل لما لقيته من رعايه واهتمام ونقد بناء وتشجيع منقطع النظير منهم 0000 ولكن هيهات ان امنح هذي الفرصه لانه الحياه لها طابعها الخاص والانسان له طاقه معينه ولكن اقول شكرا شكرا شكرا للجميع وتمنياتي لكم بالتوفيق مع نادينه الزعيم.
|
